Upplýsingastríðið. Önnur grein.

Upplýsingastríðið. Önnur grein. V-AV

Norður
♠53
♥Á76
♦ÁKD975
♣107

Vestur Austur
♠K1042 ♠G98
♥10954 ♥KD3
♦1064 ♦K8
♣85 ♣ÁG932

Suður
♠ÁD76
♥G82
♦32
♣KD64

Suður spilar 3G.

Við skildum Wang Wenfei eftir í lausu lofti í þriðja slag: Sanborn í vestur kom út með ♣8, Levitina í austur drap á ♣Á og skipti yfir í ♥K, sem Wenfei dúkkaði. Hjartadrottning fylgdi í kjölfarið.

Wenfei drap á ♥Á, fór heim á ♣K, spilaði ♦2 – fjarki frá Sanborn og FIMMAN úr borði. Framhaldið er þoku hulið, bæði í mótsblaðinu og á BBO, en svo virðist sem Wenfei hafi síðar svínað fyrir ♦K og fyrir vikið ekki fengið einn einasta slag á tígul. Þrír niður, var hin bókfærða niðurstaða við borðið.

Keppnisstjóri var til kvaddur, enda taldi Wenfei sig hafa verið fóðraða með röngum upplýsingum. Austur hefði fullyrt að makker hennar gæti ekki átt hálit og samkvæmt því hlaut skipting vesturs að vera nákvæmlega 3=3=5=2. Því hefði hún svínað svo djúpt í tígli.

Keppnisstjóri lét skor standa og málið kom til kasta dómnefndar. Hvað skyldi hún hafa gert?

(Framhald á morgun.)