Birgir Jóhann Jóhannsson fæddist 27. mars 1929. Hann lést 10. júlí 2014. Útför Birgis fór fram 23. júlí 2014.
Birgir tannlæknir er látinn. Mér brá, en svona er nú lífið. Birgir var mjög góður tannlæknir og þótti mér vænt um hann.
Þó það væri mikið að gera hjá honum, var hann alltaf tilbúinn að taka á móti mér, ef tannpína gerði vart við sig. Birgir var líka svo hress og alltaf í góðu skapi. Ég votta fjölskyldu hans mína innilegustu samúð og með þessu kvæði sem hún amma mín samdi kveð ég þennan sómamann.
Ef engill ég væri með vængi
þá væri ég hjá þér í nótt
og segði þér fallega sögu
svo sætt þig dreymdi og rótt.
Ég stryki þér um vangann vinur
svo vært um þína kinn
að ekkert illt gæti komist
inn í huga þinn.
(Elín Eiríksdóttir.)
Sunna Söebeck.