Úrslitaspilið.

Úrslitaspilið. A-AV

Norður
♠98
♥D1092
♦K94
♣7643

Vestur Austur
♠1073 ♠KD654
♥74 ♥ÁKG65
♦DG753 ♦106
♣Á92 ♣D

Suður
♠ÁG2
♥83
♦Á82
♣KG1085

Norður spilar 5♣ dobluð.

Sigurður Skagfjörð missti af fyrsta spili Íslandsmótsins í Butler. Hann kom of seint og áhorfandi hljóp í skarðið. Móður og másandi rétt náði hann í tæka tíð fyrir næsta spil og settist í suður – en með norðurhöndina, því bakkinn sneri öfugt. Ekki stórmál.

Kjartan Ásmundsson vakti á 1♠, Sigurður sagði 2♣, Guðmundur Snorrason studdi sinn makker í 2♠ og Sigurjón Harðarson í norður barðist í 3♣. Bútaslagur? Ekki beinlínis. Kjartan sagði 3♠, Sigurður 4♣, Guðmundur 4♠ og Sigurjón 5♣. Dobl og 800 niður.

„Ég vildi ýta þeim í dáninn,“ útskýrir Sigurður baráttuna í 4♣, en Sigurjón skildi sögnina hins vegar sem tillögu um fórn. Algengur skoðanamunur og oft kostnaðarsamur.

Sigurður og Sigurjón enduðu í öðru sæti, nokkuð á eftir Kjartani og Guðmundi. „Þetta var úrslitaspil mótsins, eftir á að hyggja,“ rifjar Sigurður upp: „Og ég var með vitlaus spil.“