Fyrstu niðurstöður nýrrar rannsóknar á langtímaáhrifum eldgossins í Eyjafjallajökli árið 2010 benda til þess að gosið hafi haft áhrif á tíðni einkenna í öndunarfærum á Suðurlandi, og að áhrif gossins verði meiri eftir því sem nær dragi upptökum þess.
Í rannsókninni, sem byggist á meistaraverkefni Heiðrúnar Hlöðversdóttur í lýðheilsuvísindum, var könnun á heilsufari fólks á Suðurlandi borin saman við niðurstöður svipaðrar rannsóknar sem gerð var stuttu eftir að eldgosinu lauk. Heiðrún segir í viðtali við Morgunblaðið að áhrif gossins séu enn að koma fram. Hún segir það athyglisvert hversu lengi áhrifa eldgossins gæti á heilsufar fólks frá því að því lauk.
Arna Hauksdóttir, leiðbeinandi Heiðrúnar, segir að íslenskar rannsóknir á eldgosum hafi vakið athygli á alþjóðavísu, og að þá þekkingu sem skapist megi nýta hérlendis sem erlendis til þess að bæta viðbrögð við náttúruhamförum í framtíðinni. 18
Til baka
Leita í greinasafni
Prenta grein
