Einir á tindinum.

Einir á tindinum. S-Enginn

Norður
♠D6
♥K3
♦ÁD942
♣Á953

Vestur Austur
♠98752 ♠G103
♥G107 ♥D984
♦53 ♦G
♣K108 ♣D7642

Suður
♠ÁK4
♥Á652
♦K10876
♣G

Suður spilar 7♦.

Flest pör Reykjavíkurmótsins spiluðu þrjú grönd, tvö náðu hálfslemmu, en aðeins Örvar Snær Óskarsson og Ómar Freyr Ómarsson komust alla leið á tindinn – í sjö tígla. Þann árangur þökkuðu þeir 300 blaðsíðna kerfi Kanadamannsins Glen Astons (ETM).

Ómar vakti á 1♦ og Örvar krafði í geim með 1G á móti, sem var um leið fyrsta spurning af mörgum væntanlegum um styrk og skiptingu opnara. Þremur sagnhringjum síðar hafði Ómar teiknað upp skiptinguna 3=4=5=1 og sýnt 15-17 punkta. Þá voru sagnir komnar upp í 3G.

Örvar spurði næst um lykilspil, fékk uppgefin þrjú, og tók þá til við að kemba litina til hliðar. „Suit scan“ (litarskimun) kallar Aston þá nálgun. Byrjað er á lengsta hliðarlit (hjarta hér) og þar neitaði Ómar kóng eða drottningu. En hann játaði á sig spaðakónginn í næsta hring og það dugði Örvari í sjöuna.

„Bara það sem skiptir máli,“ eru einkunnarorð Astons. Sá er fyndinn.