Hálfklárað verk. S-Allir Norður &spade;84 &heart;D863 ⋄106...

Hálfklárað verk. S-Allir

Suður spilar 3G.

„Hálfnað er verk þá hafið er,“ segir máltækið og sjálfsagt er eitthvað til í því. En það klárast ekki öll verk þrátt fyrir góðan ásetning. Suður tók fyrstu skóflustunguna en lét svo framhaldið í hendur örlaganna. Það gafst ekki vel.

Hver er suður og hvað gerði hann af sér? Erikas Vainikonis heitir hann, litháískur keppandi í Slava Cup. Hann vakti á sterku laufi og sagði svo grand við innákomu vesturs á spaða. Vestur sagði 2♥ og norður stökk í 3G. Hvernig á að spila með ♠D út?

Vainikonis byrjaði vel: drap á ♠K og lagði niður ♦Á í rannsóknarskyni. En svo hætti hann við tígulinn og fór í laufið: spilaði ♣10 upp á kóng og ♣G upp á ás. Engin hjálp frá vörninni og búið spil.

Það er nauðsynlegt að finna ♣D og góð leið til þess er að taka ás og KÓNG í tígli til að kanna stöðuna í þeim lit. Svína síðan fyrir ♣D þegar tvíspil í tígli sannast í vestur.