Fljótlegt og ljúffengt ljúfmeti fyrir veisluna

Fylltir ostar

Sniðugar hugmyndir að fylltum ostum til að nota við ýmis tækifæri.

Aðferð:

Gullostur fylltur með rommlegnum rúsínum, þurrkuðum apríkósum og sultuðum fíkjum. Síðan er sætu apríkósumauki smurt yfir ostinn.

Stóri-Dímon fylltur með fersku basil, grilluðu eggaldini og ofn- eða sólþurrkuðum tómötum. Pinnum með ferskum tómötum, basil og steyptum ítölskum osti er síðan stungið ofan í ostinn.

Dala-brie með gráðaostafyllingu, þ.e. 2 msk. af stöppuðum gráðaosti ásamt 2 msk. af mascarpone-osti. Skreytið ostinn með pekanhnetum og hellið síðan hunangi yfir.

Höfundur: Inga Elsa Bergþórsdóttir

Litlar samlokur í veisluna

Aðferð:

Hér má sjá hugmyndir að áleggi á sniðugar litlar samlokur sem henta vel í ýmsar veislur.

Með bræddum Óðalsosti, skinku, sætu sinnepi, basil og papriku.

Með bláum Höfðingja, eggaldini og hráskinku, sýrðum rjóma og basil.

Með heitum camembert, hálfum rauðum vínberjum, fínsöxuðu rós-maríni og svörtum pipar.

Höfundur: Inga Elsa Bergþórsdóttir

Brauðsnittur (bruschetta) með mozzarella, tómötum og sólþurrkuðum tómötum.

Aðferð:

Skerið snittubrauð í sneiðar og bakið sneiðarnar við 180°C í nokkrar mínútur eða svo þær verði stökkar. Smyrjið sneiðarnar með rjómaostinum og setjið sneið af tómat þar ofan á. Því næst sneið af mozzarella og svo þar ofan á sneið af sólþurrkuðum tómat.

Höfundur: Árni Þór Arnórsson.

Brauðsnittur (bruschetta) með rækjum og kotasæludressingu með avókadó

Aðferð:

Skerið avókadóið í tvennt og fjarlægið steininn, takið kjötið úr berkinum og saxið eða stappið saman með 1 msk af sítrónusafa. Blandið saman við kotasæluna ásamt dijonsinnepi og piparrót og hrærið vel saman. Kryddið með salti og nýmuldum svörtum pipar.

Höfundur: Árni Þór Arnórsson

Brauðsnittur (bruschetta) með sætu mangói og bökuðum gullosti

Aðferð:

Skerið snittubrauðið í sneiðar og bakið sneiðarnar við 180°C í nokkrar mínútur eða svo þær verði stökkar. Smyrjið sneiðarnar með sweet mangó chutney og setjið sneið af gullosti þar ofan á. Bakið snittuna í 2-3 mín á 180°C eða þar til osturinn hefur bráðnað aðeins.

Höfundur: Árni Þór Arnórsson

Hráskinka með mozzarellaosti og hvítlauksrjómaosti

Forréttur fyrir 6 eða sem hluti af hlaðborði

Aðferð:

Skerið mozzarellakúluna í sex bita. Setjið klípu af hvítlauksrjómaostinum á hverja sneið af parmaskinkunni. Bætið klettasalati á hverja sneið af hráskinku ásamt bita af mozzarellakúlunni, rúllið sneiðinni upp. Gott sem léttur forréttur eða hluti af hlaðborði.

Gott er að skera rúllurnar í tvo bita ef þetta á að vera hluti af hlaðborði, jafnvel að stinga í tannstöngli.

Höfundur: Árni Þór Arnórsson

Kjúklingaspjót með sveppaostasalati

Aðferð:

Kjúklingur – aðferð: Skerið kjúklingabringurnar í strimla og marínerið í rjómaostsblöndunni. Setjið á spjót og bakið við 170°C í 12-15 mínútur.

Salat – aðferð: Skerið sveppina niður, ekki of smátt, og steikið á pönnu í 2 msk af ólífuolíunni, kælið síðan sveppina. Skerið laukana í bita ásamt villisveppaostinum, bætið saman við kælda sveppina, hrærið saman ólífuolíu, hvítlauk, steinselju og timjan, blandið saman við sveppablönduna.

Höfundur: Árni Þór Arnórsson

Tortilla með klettasalati, fetaosti og rjómaosti

Úr þessu nást u.þ.b. 36 bitar, 6 bitar úr hverri rúllu

Aðferð:

Hitið tortillurnar á pönnu svo það sé auðveldara að vinna með þær. Raðið á bretti eða borð. Smyrjið með rjómaosti, skiptið klettasalatinu og fetaostinum jafnt á milli. Rúlið þétt upp og kælið. Skerið í sneiðar og setjið sýrðan rjóma á toppinn.

Höfundur: Árni Þór Arnórsson

jonagnar@mbl.is