Hvað ef? A-NS
Norður | |
♠107 | |
♥ÁD843 | |
♦ÁD | |
♣K1053 |
Vestur | Austur |
♠KG | ♠98 |
♥10952 | ♥G7 |
♦K97542 | ♦10863 |
♣G | ♣ÁD862 |
Suður | |
♠ÁD65432 | |
♥K6 | |
♦G | |
♣974 |
Suður spilar 4♠.
Frægt er spilið í úrslitaleik HM 1975 þegar Eddie Kantar átti ♣K10 í vörn gegn 7♣ á undan ♣ÁD í blindum. Belladonna var sagnhafi. Hann signdi sig og svínaði drottningunni. Þrettán slagir.
Áhorfendur veltu upp þeirri spurningu hvað hefði gerst ef Kantar hefði látið kónginn í fyrsta laufið. Belladonna átti ♣G98xxx heima og hefði ef til vill spilað upp trompbragð og tapað slemmunni. „Ég væri enn að hugsa,“ játaði Belladonna í lokahófinu.
Glenn Milgrim er bandarískur spilari eins og Kantar og mundi vel eftir hinu glataða tækifæri samlanda síns. Milgrim var með spil vesturs á vorleikunum í New Orleans og kom út með ♣G gegn 4♠. Austur tók tvo slagi á litinn og spilaði þriðja laufinu, sem Milgrim trompaði með KÓNG. Hugmyndin var að plata sagnhafa til að svína djúpt fyrir gosann síðar. Það fór á annan veg.
Hvað gerist ef vestur trompar með gosa? Suður væri enn að hugsa.