„Manneskjan fékk ekki belti því enginn stofnun hefur það hlutverk að aðlaga öryggisbúnað að fötlun viðkomandi. Það er sorglegt,“ segir Bergur Þorri Benjamínsson, varaformaður og málefnafulltrúi hjá Sjálfsbjörg.
Í skýrslu Rannsóknarnefndar umferðarslysa sem fjallar um banaslys sem varð á Vesturlandsvegi í ágúst árið 2013 segir að ökumaðurinn sem lést hafi verið fatlaður og lágvaxinn og ekki með öryggisbelti sökum þess að hefðbundinn búnaður í bifreiðinni passaði ekki fyrir hann. Þá segir í skýrslunni að líkur séu á að hann hefði lifað slysið af hefði hann verið spenntur í öryggisbelti sem hefði verið lagað að líkamsbyggingu hans.
Bergur segir að fatlaðir séu yfirleitt með beltin spennt enda stendur skýrt í lögum að allir eigi að nota bílbelti. „Ég held að fatlaðir hafi ekki verið nógu kröfuharðir í gegnum tíðina á sitt öryggi. Rödd þeirra hefur ekki skilað sér. Það er löngu kominn tími til að menn geri skurk í þessum flokki,“ segir Bergur en hann fór á fund hjá Sjúkratryggingum þar sem hann fékk fá svör – gestir fundarins hefðu bent á einhverja aðra.
benedikt@mbl.is
Til baka
Leita í greinasafni
Prenta grein
