Jafngild spil. N-NS Norður &spade;K54 &heart;G ⋄ÁKD965 &klubs;ÁK4...

Jafngild spil. N-NS

Suður spilar 3G.

Norður opnar á Standard-tígli, suður teygir sig í grandsvar og norður stekkur 3G. Út kemur lítið hjarta, austur tekur á kónginn og spilar ♥2 til baka. Hvort á suður að setja upp tíu eða drottningu?

Spilin eru jafngild, auðvitað, en sagnhafi vill fá hjarta áfram og drottningin er líklegri til að laða fram þá vörn. Vestur veit af fyrsta slagnum að suður á ♥D, hins vegar gæti tían hæglega verið í austur.

Samt sem áður gæti hugmyndaríkur varnarspilari látið sér detta í hug að skipta yfir í ♠D í þriðja slag. Hvernig á sagnhafi að bregðast við því?

Hann á að setja kónginn. Litlu hjónin eru jafngild og vestur er tvöfalt líklegri til að eiga annað þeirra en bæði. Sömu rök gilda fyrir næsta vandamál: Austur drepur ♠K með ás og spilar litlum spaða um hæl. Tían eða áttan?

Tían. Þrjár stöður skipta máli: ♠D9x, ♠G9x og ♠DGx. Tveir á móti einum.