Þormóður Jónsson úr júdófélagi Reykjavíkur vann öruggan sigur bæði í þungavigtinni (+100nkg ) og opna flokknum.
Þormóður mætti Bjarna Skúlasyni í úrslitum, en Bjarni mætti á ný til leiks eftir nokkurt hlé, og vann Þormóður eftir um mínútu glímu með glæsilegu ippon-kasti.
Bjarni vann öruggan sigur í -100 kg flokknum en Grímur Ívarsson og Úlfur Böðvarsson urðu í öðru og þriðja sæti. Þeir eru 16 og 17 ára og vöktu verðskuldaða athygli. Þeir voru að keppa í fyrsta sinn í þessum flokki.
Þór Davíðsson vann gullverðlaunin í -90 kg flokknum en úrslitin réðust ekki fyrr en í síðustu viðureign. Sveinbjörn Iura vann sigur í -81 kg flokknum en óvæntustu úrslitin urðu í -73kg flokknum þar sem Breki Bernharðsson sigraði Hermann Unnarsson, sem hefur síðustu ár verið bestur í þessum flokki. Hermann meiddist á olboga í fyrstu viðureign og gat ekki beitt sér sem skyldi þegar í úrslitin var komið.