Nýliðar kveðja. V-AV Norður &spade;-- &heart;107543 ⋄D8...

Nýliðar kveðja. V-AV

Suður spilar 7G.

Bridsfélag nýliða kvaddi veturinn með 14 para tvímenningi í síðustu viku. Hápunktur kvöldsins var slemmuspilið að ofan, sem stjórnandinn, Ómar Olgeirsson, setti á Facebook-síðu félagsins.

Hinn almenni samningur var 6♥, en tvö pör náðu 7♥ og uppskáru vel. Eitt par spilaði 7G. Sú slemma er vafasöm en vinnst eins og legan er nema út komi lauf. Vill lesandinn reyna, til dæmis með hjartaútspili?

Svíning í laufi gefur tólfta slaginn og sá þrettándi skilar sér í lokin með þvingun í láglitunum. Sagnhafi leggur niður ♦Á í upplýsingaskyni og rúllar svo niður öllu góðgætinu í hjarta og spaða. Þegar síðasti hálitaslagurinn er tekinn lendir vestur í klemmu. Hann á eftir ♦K og ♣KG9 og neyðist til að henda laufi. Þá svínar sagnhafi ♣D og fær þrettánda slaginn á laufhund.

Fanney Júlíusdóttir og Eygló Karlsdóttir urðu efstar þetta lokakvöld með 59% skor.