Íslenskar stúlkur mega ekki heita Alexstrasza. Þær mega aftur á móti heita Alexstrasa. Beiðni um báða rithættina barst mannanafnanefnd. Íslenskir drengir mega ekki bera nafnið Bjarkarr. Þetta kemur fram í úrskurðum nefndarinnar sem birtir voru nýlega.

Íslenskar stúlkur mega ekki heita Alexstrasza. Þær mega aftur á móti heita Alexstrasa. Beiðni um báða rithættina barst mannanafnanefnd. Íslenskir drengir mega ekki bera nafnið Bjarkarr.

Þetta kemur fram í úrskurðum nefndarinnar sem birtir voru nýlega. Þar segir einnig að íslenskar stúlkur megi heita Jarla, Júlíhuld, Húna, Stasía og Marzibil. Þær mega aftur á móti ekki heita Anya. Þá mega íslenskir drengir heita Gígur og Willy, en síðara nafnið er borið af tveimur körlum sem eiginnafn, samkvæmt þjóðskrá og kemur jafnframt fyrir í manntali frá árinu 1920.

Í úrskurði mannanafnanefndar þar sem nafninu Alexstrasza var hafnað segir að ritháttur nafnsins sé ekki í samræmi við almennar ritreglur íslensks máls þar sem samhljóðin sz eru ekki rituð saman í íslensku. Á þennan rithátt nafnsins er því aðeins heimilt að fallast ef hann telst hefðaður samkvæmt lögum um mannanöfn og hefur hann ekki verið það.