Harður húsbóndi. S-NS Norður &spade;Á5 &heart;32 ⋄K10842...

Harður húsbóndi. S-NS

„Icerelay er harður húsbóndi,“ útskýrir Toni Har fyrir áhorfendum á BBO, sem voru að fylgjast með úrslitaleik bikarkeppninnar: „Opnun á lit lofar þremur kontrólum og Jón er strangur á því skilyrði.“

Jón Baldursson passaði sem gjafari í suður, enda bara með tvö kontról (einn ás). Sævar Þorbjörnsson í vestur var ekki eins kræsinn og opnaði óhikað á 1♠, líka með tvö kontról (tvo kónga). Bessi Har (bróðir Tona) passaði, þrátt fyrir 14 punkta – fannst tígullinn of gisinn fyrir innákomu og hjartað of stutt fyrir dobl. Karl Sigurhjartarson í austur sagði pass og Jón kom inn á 2♥. Bessa leist ekki á að reyna við geim á móti pössuðum manni og lét gott heita. Útspil: lítill tígull.

Jón lét smátt úr borði og trompaði ásinn. Lagði niður ♥Á og veiddi kónginn. Spilaði laufi á tíuna, hjarta á níuna og tók trompin. Gluðaði svo út ♠D í fyllingu tímans og gleypti gosann: 13 slagir!