Stjarnan, undir stjórn Einars Jónssonar, þykir sigurstranglegust í 1. deild karla í handknattleik. Stjarnan féll úr deildinni í vor eftir æsilegt kapphlaup við Fram um að komast hjá hinum bitru örlögum að húrra niður.
Hitt liðið sem féll úr Olís-deildinni í vor, HK, endurheimtir ekki sæti sitt í Olís-deild samkvæmt spá formanna, þjálfara og fyrirliða liða deildarinnar.
Mest var hægt að fá 210 stig í spánni.
Stjarnan 175 stig
Selfoss 158 stig
Fjölnir 158 stig
HK 136 stig
Mílan 128 stig
KR 100 stig
Þróttur 93 stig
ÍR 81 stig
Fyrir ári var Víkingi spáð efsta sæti 1. deildar, Selfossi öðru sæti og Gróttu þriðja. Niðurstaðan úr deildarkeppninni var hins vegar sú að Grótta vann deildina með yfirburðum og tapaði aðeins einu stigi í 24 leikjum. Víkingur varð í öðru sæti, Selfoss í þriðja og Fjölnir hafnaði í fjórða sæti. Víkingur fylgdi Gróttu upp í Olís-deildina eftir að hafa lent í kröppum dansi gegn Fjölni í úrslitaleikjum um sæti í deildinni.
iben@mbl.is