Lítilla sanda og lítilla sæva. S-Allir Norður &spade;Á104 &heart;DG2...

Lítilla sanda og lítilla sæva. S-Allir

Suður spilar 3G.

„Þetta eru menn fárra punkta og flatrar skiptingar.“

Geltinum var verulega brugðið. Svindlmálin á toppunum höfðu veikt tiltrú hans á mannskepnunni og hann sturtaði í sig koníaki af meiri ákafa en oft áður. Veit hann þó vel af dyggum lestri Hávamála að ofdrykkja öls er ekki gott veganesti í lífinu.

„Ef við leggjum allar siðferðilegar vangaveltur til hliðar þá hefur sannur snillingur ekkert við svindl að gera,“ sneri Gölturinn við blaðinu: „Það er hlægileg tilhugsun að senda makker skilaboð um eigin spil, löglega eða ólöglega. Eins og honum komi við hvað maður á. Nei, því minna sem makker veit, því betra.“

„Sönn blekking er einstaklingsframtak“, hélt Gölturinn eintalinu áfram og teiknaði upp fjórar hendur: „Sagnir ganga tvö og þrjú grönd og þið spilið út spaðatvisti, fjórða hæsta. Sagnhafi tekur níu makkers með kóng og spilar tígli. Þið eigið slaginn og gerið hvað?“