Hurðaskellir. V-AV
Norður | |
♠32 | |
♥732 | |
♦K1083 | |
♣8765 |
Vestur | Austur |
♠8 | ♠G965 |
♥DG1084 | ♥95 |
♦ÁDG52 | ♦974 |
♣D10 | ♣G942 |
Suður | |
♠ÁKD1074 | |
♥ÁK6 | |
♦6 | |
♣ÁK3 |
Vestur | Norður | Austur | Suður |
1 ♥ | pass | pass | dobl |
2 ♦ | pass | pass | 4 ♠ |
pass | pass | pass | |
Sagt er um Hurðaskelli að hann sé mikill ólátabelgur og skelli hurðum svo fast að fólk hrökkvi jafnvel upp úr fastasvefni. Sé svo, þá er þetta rétta spilið fyrir hann. Af hverju?
Ætli flestir (bæði jólasveinar og menn) myndu ekki spila spaðanum ofan frá strax í byrjun og gefa þá fjóra slagi, einn á hvern lit. En Hurðaskellir er alltaf að leita að tækifæri til að bregða náunganum. Vestur virðist eiga 5-5 í rauðu litunum og þar með er einspil í trompi ekki ósennilegt. Hurðaskellir lætur því nægja að spila trompi einu sinni. Síðan tekur hann toppana í mjúku litunum og spilar tígli. Þá hrekkur vestur upp af værum blundi. Eftir að hafa drepið á ♦Á og tekið slag á hjarta verður vestur annaðhvort að gefa blindum slag á ♦K eða spila hjarta í tvöfalda eyðu.