Markús og félagar leika á Kex hosteli

Markús & The Diversion Sessions heldur tónleika í Gym & tonic salnum á Kex hosteli í kvöld kl. 21. Hljómsveitin mun leika lög af nýútkominni plötu sinni, The Truth The Love The Life , auk eldri og nýrri laga og gestatónlistarmenn munu skreyta lögin með lúðrablæstri, slagverki og bakröddum, eins og segir í tilkynningu. Hljómsveitina skipa Ási Þórðarson, Georg Kári Hilmarsson, Markús Bjarnason og Marteinn Sindri Jónsson.