Má segja þetta?

Hannes H. Gissurarson skrifar:

Hvers vegna reyna öfgavinstrimenn að þagga niður vandann af þeim múslimum (vonandi miklum minni hluta), sem vilja ekki aðlagast vestrænni menningu, þótt sömu múslimar vilji flytjast til Vesturlanda og njóta allra þeirra gæða?

Hvers vegna gera öfgavinstrimenn hróp að þeim, sem hafa áhyggjur af þessum vanda og þora að taka til máls um hann?

Þrjár skýringar: 1) Þeir reyna að skilgreina burt úr stjórnmálum 10–15% hóp, sem afgreiða má sem öfgahægrimenn og ekki þarf að taka tillit til í stjórnarmyndunum (sbr. Svíþjóð). 2) Þeir sjá í aðkomufólki, sem fer umsvifalaust á bætur, nýja kjósendur sína. 3) Þeir sjá atvinnutækifæri í sýsli um vandræðafólk.

Ekkert af þessu breytir því þó, að duglegt fólk, reglusamt og löghlýðið á að vera velkomið til Íslands.

Og frjálshyggjumenn hafa rétt fyrir sér um, að rót vandans er, að menn öðlist sjálfkrafa rétt til framfærslu á kostnað annarra, um leið og þeir flytjast eða sleppa inn í vestræn ríki.“

Sjálfsagt geta margir með góðum rökum hafnað þeim ályktunum sem prófessor Hannes dregur í pistli sínum.

Og þeim er meira en frjálst að gera það og myndu aðeins styrkja umræðu sem vantar.