Fram kemur í tilkynningu frá ALM að Þorvaldur Makan hefur starfað m.a. hjá Símanum hf. (2002-2005) og Vodafone hf. (2005-2008) sem viðskiptastjóri og hafi einnig verið ábyrgur fyrir fjárfestingum og stefnumótun fyrir yfirstjórn. Þá starfaði hann hjá skilanefnd Glitnis banka hf. á árunum 2009-2012, m.a. við stýringu og umsjón með lánasöfnum bankans.
Frá árinu 2012 og þar til Þorvaldur hóf störf hjá ALM starfaði hann hjá Privos Capital í Svíþjóð sem framkvæmdastjóri í Evrópu.
Þorvaldur er með próf í viðskiptafræði (BSc.) frá Háskólanum á Akureyri (2002) og lauk meistaragráðu í fjármálum frá Harvard Extension School (2012).