Kaleo, Coldplay og Beyoncé vinsæl

Hljómplata Kaleo, samnefnd sveitinni, seldist best hér á landi í síðustu viku, skv. Tónlistanum sem unninn er af Félagi Hljómplötuframleiðenda og inniheldur sölutölur síðastliðinnar viku í verslunum Hagkaupa, Pennans / Eymundsson, 12 Tóna, Elko, Smekkleysu plötubúð, Samkaupa, Kaupfélags Skagfirðinga, Lucky Records, Vefverslun Record Records, Heimkaupa, N1 og Tónlist.is.

Á Lagalistanum er „Hymn for the Weekend“ með Coldplay og Beyoncé í efsta sæti. Listinn er unninn af Félagi hljómplötuframleiðenda og inniheldur samantekt sl. viku á mest spiluðu lögunum á eftirtöldum útvarpsstöðvum: Bylgjan, FM957, Xið 977, Rás 2 og K100,5. Einnig er tekið mið af sölu og spilun á Tónlist.is.