Ólafur Stefánsson
Ólafur Stefánsson
Íslenska karlalandsliðið í handknattleik, skipað leikmönnum 20 ára og yngri, sem Ólafur Stefánsson og Sigursteinn Arndal þjálfa, gat varla dregist í erfiðari riðil í lokakeppni Evrópumeistaramótsins sem fram fer í ágúst í Danmörku.

Íslenska karlalandsliðið í handknattleik, skipað leikmönnum 20 ára og yngri, sem Ólafur Stefánsson og Sigursteinn Arndal þjálfa, gat varla dregist í erfiðari riðil í lokakeppni Evrópumeistaramótsins sem fram fer í ágúst í Danmörku. Liðið dróst í riðil með Spánverjum, Slóvenum og Rússum. Leikmenn íslenska landsliðsins þekkja vel til andstæðinganna enda mættu þeir sumum þeirra á heimsmeistaramóti U19 ára landsliða í Rússlandi í ágúst í fyrra.

Íslenska landsliðið hafnaði í þriðja sæti á HM eftir að hafa unnið Spánverja í leiknum um bronsið, 26:22. Fyrr í mótinu mættust liðin einnig. Þá viðureign vann íslenska liðið, 25:24. Slóvenar voru með eina liðið sem vann það íslenska á HM á mótinu, í undanúrslitum, 31:30. Slóvenar töpuðu úrslitaleiknum fyrir Frökkum. iben@mbl.is