Margar hliðar. V-NS Norður &spade;DG6 &heart;108 ⋄ÁD1064 &klubs;G98...

Margar hliðar. V-NS

Suður spilar 6♥.

Það eru margar hliðar á þessu spili Íslandsmótsins. Ein er þessi: Hvað á austur að segja í þriðju hendi eftir pass vesturs og norðurs? Á hann að passa, opna á einum/tveimur spöðum, eða jafnvel útspilsvísandi laufi? Allt kemur til greina, en eðlileg laufsögn hefði heppnast vel í þessu tilfelli. Það þarf nefnilega galdravörn til að hnekkja 6♥ – lauf út og tígul til baka frá austri í öðrum slag upp í ♦ÁD10!

Ekki þar fyrir. Slemma var aðeins spiluð á þremur borðum (af 40). Eitt par reyndi 6G með afleitum árangri (fjóra niður), en tvö pör spiluðu 6♥. Sveinbjörn Eyjólfsson vann slemmuna eftir trompútspil. Hann svínaði einfaldlega tíguldrottningu og henti laufinu heima í tígulásinn. Gaf bara á spaðakóng. Annar sagnhafi fór niður eftir lauf út og meira lauf í slag tvö. Fann ekki þá langsóttu vinningsleið að klára trompin og þvinga vestur í hörðu litunum.