Sameiginlegt átak. N-AV Norður &spade;-- &heart;Á9752 ⋄D1085...

Sameiginlegt átak. N-AV

Suður spilar 7♣.

Matarhlé á Íslandsmótum er góður tími til að skiptast á grobbsögum og aldrei þessu vant var Gunnlaugur Karlsson í hlutverki hlustandans. Hann borðaði samlokuna hljóður á meðan suður rifjaði upp eigin hetjudáð úr síðasta leik.

Norður vakti á 1♥, austur kom inn á 1♠ og sögumaður í suður sagði 2♣. Vestur hindraði í 3♠, norður sagði 4♣ og austur 4♠. „Nú sagði ég fjögur grönd,“ hélt suður áfram lýsingunni. „Meiningin var sú að stinga upp á slemmu, frekar en að spyrja um ása, en makker valdi að svara lykilspilum og svarið lét vel í eyrum: Hann sagði FIMM GRÖND, sem ég hlaut að túlka sem tvö lykilspil og eyðu í spaða. Ég gat ekki annað en sagt sjö.“

Gunnlaugur var djúpt snortinn: „Gífurlega falleg alslemma, sem allir fjórir við borðið melduðu af mikilli snilld.“