Börkur Gunnarsson
borkur@mbl.is
„Þetta er Osló við Hudson-ána,“ sagði Pete Wells, gagnrýnandi veitingastaða hjá New York Times, á þriðjudaginn um veitingastað í New York sem hann heimsótti, þar sem Íslendingurinn Gunnar Gíslason sér um matseldina.
Hudson-áin er lífæð New York-borgar og á henni byggði borgin veldi sitt sem stendur enn í dag.
Matur í hjarta New York
Agern heitir veitingastaðurinn sem Gunnar vinnur á og er staðsettur á 89 42. stræti austanmegin og fer Wells fögrum orðum um matseldina þar.Gagnrýnandinn talar mikið um hversu heimilisleg tilfinningin sé á staðnum. Hann notar orðin „skandinavísk stemming“ og mælir sérstaklega með kjötinu á staðnum og kartöflusalatinu. Að ekki sé talað um svínahnakkann.
En hann varar við því að staðurinn sé mjög dýr.
Fatlaðir komast í veisluna
Eins og í skandinavískri stemmingu þá bendir hann á hve aðgengi fatlaðra sé gott að staðnum.Hann gefur veitingastaðnum þrjár stjörnur. En í leiðbeiningum kemur fram að núll sé glatað, ein stjarna sé gott, tvær stjörnur sé mjög gott, þrjár stjörnur sé frábært og fjórar stjörnur sé afburðagott.