Táknræn mynd.

Táknræn mynd. N-Allir

Norður
♠KDG1094
♥1054
♦65
♣64

Vestur Austur
♠82 ♠63
♥ÁDG762 ♥K983
♦D8 ♦ÁG742
♣G98 ♣K5

Suður
♠Á75
♥–
♦K1093
♣ÁD10732

Suður spilar 4♥.

Marty Fleisher vann Pierre Zimmermann (Mónakó) með 15 impa mun í úrslitaleik Spingold (106-91). Spilið að ofan kom upp í síðustu lotunni.

Legan er góð og það má vinna 6♠ í NS með því að svína ♣D og trompa laufið frítt. En slemman er alltof hörð og hinn rökrétti samningur er 4♠. Þar enduðu liðsmenn Fleishers, þeir Brad Moss og Joe Grue. Moss spilaði gætilega og fékk aðeins tíu slagi.

Hinum megin lentu Krzysztof Martens og Franck Multon í multi-slysi. Martens vakti á 2♦ (veikt með annan hálitinn) og Multon svaraði með 2♥ – til að spila á móti hjarta. Þegar Martens sagði óvænt 2♠ gjörbreyttust spil suðurs og Multon reyndi við slemmu með splinter-stökki í 4♥. Allir pass, fimm niður og 15 impar til Fleishers.

Hvor á sökina? Ekki gott að segja, en eitt er víst: Martens var ekki með á myndinni sem tekin var af silfursveitinni í mótslok.