4. ágúst 1796 Hannes Finnsson biskup lést, 57 ára. Hann var Skálholtsbiskup frá 1777. Hannes var talinn fjölmenntaðasti maður hér á landi á sínum tíma. Af ritum hans má nefna Um mannfækkun af hallærum á Íslandi. 4.
4. ágúst 1796
Hannes Finnsson biskup lést, 57 ára. Hann var Skálholtsbiskup frá 1777. Hannes var talinn fjölmenntaðasti maður hér á landi á sínum tíma. Af ritum hans má nefna Um mannfækkun af hallærum á Íslandi.
4. ágúst 1928
Ásta Jóhannesdóttir synti fyrst kvenna frá Viðey til Reykjavíkur, fjögurra kílómetra leið, á tæpum tveimur klukkustundum. „Frækilegt sund,“ sagði Morgunblaðið.
4. ágúst 1931
Alexander Aljechin tefldi fjöltefli í Reykjavík, vann 32 skákir (þar af tvær blindskákir), gerði fjögur jafntefli og tapaði fjórum skákum. Hann var heimsmeistari í nær tvo áratugi.
4. ágúst 2005
Bjarki Birgisson og Guðbrandur Einarsson luku göngu í kringum landið undir kjörorðinu „Haltur leiðir blindan“. Gangan tók 46 daga.Dagar Íslands | Jónas Ragnarsson