27. ágúst 1729 Hraun rann í kringum kirkjuna í Reykjahlíð í Mývatnssveit og síðan út í Mývatn. Þá gaus í Leirhnjúksgígum en Mývatnseldar hófust árið 1724 og stóðu með hléum fram í september 1729. 27.
27. ágúst 1729
Hraun rann í kringum kirkjuna í Reykjahlíð í Mývatnssveit og síðan út í Mývatn. Þá gaus í Leirhnjúksgígum en Mývatnseldar hófust árið 1724 og stóðu með hléum fram í september 1729.
27. ágúst 1946
Fyrsti bíllinn komst yfir Siglufjarðarskarð. Þar með var einangrun Siglufjarðar rofin, en vinna við veginn hafði staðið í ellefu ár. Vegurinn um Strákagöng leysti Skarðsveginn af hólmi rúmum tveimur áratugum síðar.
27. ágúst 1951
Sýningarsalir Listasafns Íslands í húsi Þjóðminjasafnsins voru formlega teknir í notkun. Listasafnið var stofnað árið 1884 og hús safnsins við Fríkirkjuveg vígt árið 1988.
27. ágúst 1994
Kvikmyndin Bíódagar eftir Friðrik Þór Friðriksson hlaut norrænu Amanda-kvikmyndaverðlaunin. Hún var að mati dómnefndar í senn þjóðleg og alþjóðleg.Dagar Íslands | Jónas Ragnarsson