Sigrún Björnsdóttir

Okkur langar að minnast Sigrúnar Björnsdóttur, eða ömmu Dúu eins og hún var kölluð á okkar heimili. Kynni okkar af henni voru mjög góð. Reyndist hún Kolbeini mjög vel sem góð amma og var í raun amma allra barnanna. Í gegnum árin kom Dúa oft í heimsókn. Þáði kaffisopa og spjallaði en stoppaði aldrei lengi. Dúa var mjög hlý kona með góða nærveru. Börnin nutu góðs af hlýju hennar og fylgdist hún vel með uppvexti Kolbeins, Arnars og Unnar þegar fjölskyldan bjó erlendis.

Við hittum Dúu í afmæli Krumma, sonar Kolbeins, nokkrum vikum fyrir andlátið. Dúa var þá lík sjálfri sér. Hún vildi halda góðum tengslum og fylgdist vel með börnunum vaxa úr grasi.

Við minnumst hennar með þakklæti og sendum börnum hennar samúðarkveðjur.

Minning hennar mun lifa.