Preben leiðir BF í NA-kjördæmi

Preben Pétursson mjólkurfræðingur leiðir lista Bjartrar framtíðar í Norðausturkjördæmi. Listinn var lagður fram á föstudaginn og þar með hefur Björt framtíð birt framboðslista sína í öllum sex kjördæmunum.

Í öðru sæti listans er Dagný Rut Haraldsdóttir, lögfræðingur og formaður Félags einstæðra foreldra, og þriðja sætið skipar Arngrímur Viðar Ásgeirsson, hótelstjóri, íþróttakennari og verkefnastjóri. Haukur Logi Jóhannsson verkefnastjóri er í 4. sæti og í því fimmta er Jónas Björgvin Sigurbergsson, nemi og íþróttamaður.

Í neðsta sæti listans, heiðurssætinu, er Brynhildur Pétursdóttir alþingismaður sem ákvað að gefa ekki kost á sér.