Baróninn. V-Allir Norður &spade;KG87 &heart;9 ⋄K83 &klubs;ÁK643...

Baróninn. V-Allir

Suður spilar 5♦.

Waldemar K. Von Zedtwitz (1896-1984) erfði barónstitil af þýskum föður sínum og var ætíð nefndur „Baróninn“ með stórum staf í hópi spilavina sinna. Hann var lengi að spila. Vandvirkur, sögðu sumir. Svæfingalæknir, sögðu aðrir.

Baróninn var hér í suður, Harold Vanderbilt í norður: Vestur vakti á 1♥, Vanderbilt doblaði, austur sagði 2♥ og Baróninn barðist í 3♦. Vanderbilt lyfti frekjulega í 4♦ og Baróninn í fimm. Út kom ♥Á og spaði í öðrum slag.

Það tók Baróninn heilar 20 mínútur að láta í slaginn. Loks lét hann gosann, austur drap og spilaði hjarta til baka. Baróninn trompaði, lagði niður ♣Á og stakk lauf, trompaði hjarta, stakk aftur lauf og tók trompin. Spaðakóngurinn var innkoma á frílaufin. Ellefu slagir.

Þetta var árið 1932, síðasta spilið í sjálfum Vanderbilt-bikarnum. En um hvað var Baróninn að hugsa í 20 mínútur? Það veit enginn.