Pínulítil sálfræði. A-Allir Norður &spade;ÁK &heart;KDG10 ⋄102...

Pínulítil sálfræði. A-Allir

Suður spilar 4♠.

Sagnhafi er fljótur að átta sig á veikleikanum í 4♠, en það er þyngra fyrir vörnina að skynja stöðuna og bregðast rétt við. Þannig er það æði oft. Austur opnar á 1♦, suður kemur grimmt inn á 2♠ og norður segir 4♠. Laufkóngur út.

Til að hnekkja spilinu þarf austur að tvídúkka hjarta og nota svo hvert tækifæri til að trompa út ef sagnhafi hreyfir við tíglinum. Þannig má tryggja þrjá slagi á tígul og einn á hjartaás. En það vafðist fyrir keppendum Reykjavíkurmótsins að finna þessa vörn. Aðeins einn sagnhafi fékk bara níu slagi og hann var í bút. Hvað er svona erfitt?

Jú, að dúkka hjarta, væntanlega. Sérstaklega ef sagnhafi spilar hjarta galvaskur í öðrum slag, eins og hann myndi alltaf gera með 1-2 spil í litnum. Vörnin er léttari ef sagnhafi byrjar á tíglinum, því það bendir til að hann sé með lengd í hjarta heima. Alla vega ekki einspil.

Smá sálfræði.