Þórdís Kolbrún Reykfjörð Gylfadóttir, nýr ráðherra ferðamála, iðnaðar og nýsköpunar, segir að gjaldtaka sé skilvirk leið til aðgangsstýringar þegar ásókn ferðamanna á tiltekin landsvæði er annars vegar. Þannig sé ekki óeðlilegt að landeigendur grípi til þess úrræðis.
„Ég er á þeirri skoðun að ef landeigendur líta svo á að það sé í þágu náttúrunnar að rukka inn á sín svæði þá eigi þeir að skoða þann kost mjög alvarlega.“
Segist hún ekki taka undir þau sjónarmið að ekki megi grípa til takmarkana á aðgengi einstaklinga að almenningum, enda hljóti eignarréttarákvæði stjórnarskrár að vega þungt í mati á því hvort aðgangsstýring sé heimil eða ekki. Viðurkennir hún þó að þarna sé um mál að ræða þar sem viðkvæm og ólík sjónarmið séu uppi.
Til baka
Leita í greinasafni
Prenta grein
