Máttur alkröfunnar.

Máttur alkröfunnar. A-Enginn

Norður
♠952
♥95
♦K1075
♣G942

Vestur Austur
♠D863 ♠KG1074
♥10 ♥43
♦DG84 ♦Á632
♣ÁK105 ♣D6

Suður
♠Á
♥ÁKDG8762
♦9
♣873

Suður spilar 4♥.

Það er vel lukkað að spila 4♥ og vinna þegar andstaðan á borðleggjandi 4♠ á sín spil. En slíkur er máttur alkröfunnar. Við erum stödd á Lederermótinu í London.

Eftir pass Davids Burns í austur vakti Tor-Erik Hoftaniska á 2♣ (alkröfu) í suður. Vissulega níu slaga hendi, en aðeins 14 punktar. Heather Dhondy sagði pass og Peter Bertheau í norður gerði skyldu sína með því að afmelda á 2♦. Burn passaði aftur og Hoftaniska stökk í 4♥. Allir pass.

Dhondy tók á ♣Á-K og spilaði ♣10 í þriðja slag. Burn trompaði ♣G og skipti yfir í spaða. Treysti kalli makkers fullvel, eða sá ekki ógnina sem stafaði af trompníunni í borði. Hoftaniska fékk á ♠Á, lagði niður ♥Á og tían féll hjá Dhondy. Þá var hægt að spila trompi á níuna og henda tígli í frílauf.

Hinum megin þurfti suður að berjast í 5♥ yfir 4♠ og fór þar tvo niður.