Geir Þorsteinsson, fyrrverandi formaður KSÍ, hefur ákveðið að taka ekki sæti í stjórn FIFA, alþjóða-knattspyrnusambandsins. Geir var einn fimm einstaklinga sem sóttust eftir þeim fjórum sætum sem Knattspyrnusambandi Evrópu er úthlutað þegar kosið verður í apríl. Hann átti sæti hins vegar víst þegar Rússinn Vitaly Mutko komst ekki í gegnum heiðarleikaskoðun FIFA, sem allir frambjóðendur þurfa að standast.
Geir kaus að draga sig í hlé vegna fyrri ákvörðunar sinnar um að hætta sem formaður KSÍ. Í samtali við mbl.is í gær sagði hann knattspyrnusambönd Evrópu þeirrar skoðunar að aðeins starfandi formenn, varaformenn og framkvæmdastjórar knattspyrnusambanda ættu að sækjast eftir stjórnarkjöri, og því hefði hann ákveðið að hætta við framboð sitt.
Til baka
Leita í greinasafni
Prenta grein
