Lestrarhestur.

Lestrarhestur. S-Allir

Norður
♠1074
♥KD93
♦ÁK9865
♣--

Vestur Austur
♠9853 ♠ÁKDG6
♥G ♥85
♦32 ♦D7
♣987543 ♣ÁK106

Suður
♠2
♥Á107642
♦G104
♣DG2

Suður spilar 6♥ dobluð.

Til eru tvær gerðir af spilurum – þeir sem reikna allt út og hinir sem láta tilfinninguna ráða för. Það er ljóst hvorum hópnum Steve Weinstein tilheyrir.

Weinstein var með spil suðurs í 16-liða úrslitum Vanderbilt og opnaði á 2♥, veikum. Bobby Levin stökk í 4♥ og Frakkinn Cedric Lorenzini í austur sagði 4♠. Levin barðist í 5♥, Lorenzini styrkdoblaði og Jean Quantin í vestur tók út í 5♠. Levin sá þá fyrir sér stuttan spaða hjá makker sínum og reyndi 6♥. Lorenzini doblaði og Quantin kom út með spaða.

Kit Woolsey sat við lyklaborðið á Bridgebase: „Ég geri ráð fyrir að sagnhafi svíni í tígli og fari einn niður.“ Fleiri spekingar samsinntu þessu og studdu með prósentureikningi um „laus sæti“. En Levin tók ekkert mark á tölfræðinni. Hann spilaði fyrst ♦G upp á ás. Og nokkru síðar ♦10 og stakk upp KÓNG!

Af hverju? Nú, hann bara „las“ Quantin.