Gamalt verðlaunaspil. A-NS Norður &spade;972 &heart;Á108 ⋄53...

Gamalt verðlaunaspil. A-NS

Suður spilar 4♠.

Antíbrids-umræðan síðustu daga rifjaði upp verðlaunaspil frá NL 1992 þar sem Karl Sigurhjartarson og Sævar Þorbjörnsson sýndu báðir antíbridslega takta í vörn. Daninn Stig Werdelin spilaði 4♠ og Sævar kom út með blankan lauftvistinn.

Werdelin tók slaginn á ♣G heima, fór inn í borð á ♥Á og spilaði spaða. Karl drap á ♠K og skipti yfir í tígul. Það er andsætt bridseðlinu að gefa ekki makker sannaða stungu, en Karl var að leita að fjórða slagnum og stungan gat beðið. Werdelin stakk upp ♦Á, tók kónginn líka og spilaði þriðja tíglinum.

Sævar gat trompað yfir blindum með ♠G, en það fór fyrir honum eins og Karli, hann sá þar bara þriðja slaginn og vildi meira. Sævar henti því hjarta. Werdelin trompaði, stakk hjarta heim og spilaði enn tígli. Nú stakk Sævar með ♠G og spilaði hjarta, sem Karl trompaði með ás og spilaði laufi. Laufstungan skilaði sér í lokin.