Föst leikatriði. N-NS Norður &spade;Á96 &heart;K10 ⋄ÁD7...

Föst leikatriði. N-NS

Suður spilar 7♠.

Í fótbolta fær lakara liðið sín bestu tækifæri til að skora í „föstum leikatriðum“ – til dæmis upp úr aukaspyrnum og löngum innköstum nærri vítateig. Undirmáls-slemmur eru slík tækifæri við spilaborðið.

Með nútíma sagntækni er tiltölulega einfalt mál að komast að veikleikanum í spaðalitnum. Roman-lykilspilaspurningin mun leiða í ljós í fyllingu tímans að drottningin er fjórða úti og þá gefast menn upp á alslemmuleit. Fyrirframlíkur á 2-2 legu eru 40%, og þó að tían lyfti vinningslíkum upp í 46% dugir það ekki til að brjóta áhættumúrinn. Alslemma þarf að vera 56% til að vega salt, svo þetta telst vera vont veðmál fyrir hreintrúarmenn. Fyrir veikari sveitina er þetta hins vegar kjörið tækifæri til að skora grísamark.

Alslemma var aðeins sögð á fjórum borðum af 40 á nýliðnu Íslandsmóti. Sennilega vilja menn síður gangast við því að tilheyra „veikari sveitinni“.