Póstþjónustan á Völlunum í Hafnarfirði hefur stórbatnað síðustu daga eftir að hafa verið í miklu lamasessi í allan vetur. Fjallað var um málið í Morgunblaðinu í lok mars þegar vegabréf stúlku sem býr á Völlunum fannst heima hjá bréfberanum ásamt öðrum pósti. Þá hafði póstur borist seint og illa til íbúa á Völlunum, bréfberatöskur legið á glámbekk og bréf ekki verið flokkuð í póstkassa eða þau verið sett inn um rangar lúgur.
Pósturinn skoðaði dreifinguna á svæðinu í kjölfarið og fjölgaði bréfberum á svæðinu og herti eftirlit með dreifingunni. „Póstþjónustan hefur aldrei verið betri hér. Við erum að fá póstinn, hann er flokkaður rétt og ekki skilinn eftir uppi á póstkössunum og bæjarblöðin koma á réttum tíma,“ segir Einar Kristjánsson, íbúi á Völlunum.
ingveldur@mbl.is
Til baka
Leita í greinasafni
Prenta grein
