Þrjár alslemmur. A-Allir Norður &spade;K92 &heart;ÁKD862 ⋄84...

Þrjár alslemmur. A-Allir

Suður spilar 7♠.

Þrjár alslemmur vinnast í NS, en þær eru mjög misjafnar að gæðum. Í 7♦ þarf ♦K að liggja fyrir svíningu, annar eða þriðji. Það er veikasta slemman (36%). Í 7G eru tveir möguleikar, hjartað 3-3 eða ♦K réttur (68%). Spaðaslemman er sterkust og þar enduðu bæði pör á landsliðsæfingu í síðustu viku. Útspilið var óþægilegt lauf.

Nákvæmast er að spila spaða heim í öðrum slag til að tékka á tromplegunni. Næsta verk er að spila hjarta á ás og trompa hjarta hátt. Ef báðir fylgja lit er hjartað orðið frítt og tígulsvíning óþörf í 3-2 legu í trompi. En hér reynist vestur eiga einspil í hjarta og þá verður að svína fyrir ♦K – og það strax til að þurfa ekki að treysta á kónginn annan.

Hverjar eru heildarvinningslíkur? Það þarf doktorsgráðu í tölfræði til að reikna það út, en í kringum 80% er ekki fráleit ágiskun.