Móna Lísa. S-Allir Norður &spade;Á976 &heart;62 ⋄G3 &klubs;KD1096...

Móna Lísa. S-Allir

Suður spilar 4♥.

Fegurð er af ýmsum toga – stundum ofsafengin eins og beljandi foss, stundum feimnisleg eins og bros Mónu Lísu. Spil dagsins er af síðarnefnda taginu. Suður opnar á 1♥, vestur doblar, norður redoblar og suður stekkur í 4♥. Spaðakóngur út.

Sagnhafi dúkkar spaðakónginn, drepur næsta slag á ásinn og trompar spaða í þriðja slag. Tekur þrjá efstu í trompi og spilar laufi. Vestur dúkkar, tilneyddur, og blindur er inni á laufkóng. Innkomuna notar sagnhafi til að trompa spaða í fjórða sinn og loka þannig útgönguleið vesturs í þeim lit. Síðan spilar hann laufi og leggur upp. Fær annað hvort úrslitaslaginn á laufdrottningu í borði eða tígulkónginn heima. Engin læti, en óneitanlega fagurt.

Annað mál: Norðurlandamót í opnun flokki og kvennaflokki stendur nú sem hæst í Horsens í Danmörku og er hægt að fylgjast með beinum útsendingum á Bridgebase.com.