Bandaríski kvikmyndaleikarinn Martin Landau lést laugardaginn 15. júlí síðastliðinn, þá 89 ára að aldri. Frá þessu er greint á fréttamiðlinum The Hollywood Reporter . Landau átti langan kvikmyndaferil að baki.
Bandaríski kvikmyndaleikarinn Martin Landau lést laugardaginn 15. júlí síðastliðinn, þá 89 ára að aldri. Frá þessu er greint á fréttamiðlinum
The Hollywood Reporter
. Landau átti langan kvikmyndaferil að baki. Hann vakti fyrst athygli á hvíta tjaldinu árið 1959 sem skósveinn illmennisins í spennumyndinni
North by Northwest
eftir Alfred Hitchcock. Hann ávann sér frægð sem leikari í sjónvarpsþáttaröðinni
Mission: Impossible
á sjöunda áratugnum og var tvívegis tilnefndur til Óskarsverðlauna sem besti leikari í aukahlutverki, fyrst fyrir leik sinn í myndinni
Tucker: The Man and His Dream
eftir Francis Ford Coppola árið 1988 og síðan fyrir
Crimes and Misdemeanors
eftir Woody Allen árið 1989. Hann vann verðlaunin loks árið 1994 fyrir túlkun sína á hryllingsmyndastjörnunni Bela Lugosi í myndinni
Ed Wood
eftir Tim Burton. Landau var auk þess þekktur leiklistarkennari og kenndi m.a. Jack Nicholson. Víst er að Landau var vel tengdur í stjörnuheimi Hollywood: Hann var góðvinur stórleikarans James Dean og átti á sínum tíma í stuttu ástarsambandi við Marilyn Monroe. Heimildamynd um ævi Landau er nú í vinnslu.