Horfur í vatnsbúskap Landsvirkjunar eru með allra besta móti og engin þörf á takmörkun afhendingar á raforku er fyrirsjáanleg, segir í frétt á heimasíðu fyrirtækisins.
Þórisvatn, sem er miðlunarlón fyrir virkjanir á Þjórsársvæðinu, er við það að fara á yfirfall. Vatnsstaðan er sex metrum hærri en á sama tíma í fyrra.
Í Hálslóni, sem er miðlunarlón fyrir Fljótsdalsstöð, er vatnsstaðan fimm metrum hærri en á sama tíma í fyrra. Vantar átta metra á að lómið fari á yfirfall. Byrjað var að hleypa vatni framhjá Jökulsárveitu á fossa í Jökulsá í Fljótsdal um miðjan júní.
Í Blöndulóni, sem er miðlunarlón fyrir Blöndustöð, er vatnshæðin 6 metrum meiri en í fyrra. Styttist í að lónið fari á yfirfall.
Það sem af er þessu vatnsári hefur tíðin verið mjög hagfelld rekstri miðlana og staða þeirra er einstaklega góð, segir á heimasíðu Landsvirkjunar. sisi@mbl.is
Til baka
Leita í greinasafni
Prenta grein
