Haukar höfðu betur gegn ÍR á útivelli, 2:1, í 14. umferð Inkasso-deildarinnar í knattspyrnu í gærkvöld.
Alexander Helgason skoraði sigurmark Hauka þegar komið var fram á 84. mínútu.
Sergine Fall kom ÍR yfir eftir 16 mínútna leik en Aron Jóhannsson jafnaði á 31. mínútu og sá til þess að staðan í hálfleik var 1:1.
Eins og áður segir skoraði Alexander Helgason sigurmarkið, sex mínútum fyrir leikslok.
Haukar fóru upp í fimmta sætið með sigrinum og er liðið aðeins fjórum stigum frá Keflavík sem er í öðru sæti deildarinnar.
ÍR er hins vegar í tíunda sæti, aðeins þremur stigum fyrir ofan fallsæti. johanningi@mbl.is