Áslaug Sigurgrímsdóttir

Vertu dyggð trúr

dögum öllum,

þá muntu ævi una,

og líf þitt líða,

sem lækur renni

dals í grænu grasi.

(Sveinbjörn Egilsson.)

Hinn 30. júli 2017, hefði Áslaug orðið 90 ára gömul.

Það var veturinn 1969, sem leiðir okkar lágu saman í Húsmæðraskóla Reykjavíkur. Hún var kennari, ég nemandi. Hún er besti kennari sem ég hef nokkurn tíman haft. Glöð, einstaklega elskuleg, alltaf brosandi og síðast en ekki síst, í tímum hjá henni þreifst alls ekkert einelti. Hún er einn af þeim einstöku mannlegu gullmolum sem ég hef hitt á lífsleiðinni. Hún og hennar kennslustundir hafa fylgt mér í gegnum lífið allar götur síðan og hún er ein af þeim sem ég hef reynt að taka mér til fyrirmyndar í lífinu. Mikill og sterkur karakter, sem og afkomandi hennar.

Blessuð sé minning Áslaugar og megi ykkur fólkinu hennar farnast vel í lífinu.