Lífsgæði. N-NS Norður &spade;KD975 &heart;K98 ⋄Á862 &klubs;4 Vestur...

Lífsgæði. N-NS

Suður spilar 4♥.

Byrjun sagna er sjálfgefin, hvort sem kerfið er Standard eða Precision: Norður opnar á 1♠ og suður svarar á kröfugrandi. Þannig fóru sagnir af stað á báðum borðum í úrslitaleik öldungakeppninnar í San Diego. Vestur kom inn á 2♣ og nú átti norður leikinn með sína lágmarksopnun. Eru spilin nógu góð fyrir dobl?

Ekki fannst Nick Nickell það. Hann sagði pass. Sögnin gekk til Ralph Katz í suður, sem doblaði til úttektar og Nickell sagði 2♦. Austur barðist í 3♣ og Nickell í 3♦, þar sem sagnir dóu drottni sínum: tíu slagir og 130 í NS.

Hinum megin doblaði Mike Passell 2♣ í stöðu norðurs. Hann hugsaði með sér að punktar væru ekki einu verðmætin í lífinu. Ekki mætti gleyma góðum mat og fögrum konum – „og skiptingunni, auðvitað.“ Marc Jacobus í suður stökk í 4♥ og tók þar tíu slagi án þess að svitna mikið: 620 í NS.