Breska hljómsveitin Underworld mun koma fram á tónlistarhátíðinni Sónar Reykjavík í ár, laugardaginn 17. mars.
Underworld er ein af þekktari hljómsveitum heims á sviði danstónlistar og á fáa sína líka þegar kemur að sviðsframkomu og sjónarspili á tónleikum, eins og segir í tilkynningu. Hljómsveitin hélt tónleika í Laugardalshöll árið 1994, á eftir Debut-tónleikum Bjarkar og hefur leikið víða og var m.a. fengin til að koma fram á og leikstýra tónlistarþætti opnunarhátíðar Ólympíuleikanna í London árið 2012.
Underworld hefur hlotið fjölda verðlauna fyrir plötur sínar og á að baki margan smellinn.
Sónar Reykjavík fer fram 16. og 17. mars á fjórum sviðum í Hörpu. Alls verður boðið upp á tónleika yfir 50 hljómsveita og listamanna.
Til baka
Leita í greinasafni
Prenta grein
