Gamalt Evrópumót. S-Allir Norður &spade;K106 &heart; – ⋄Á53...

Gamalt Evrópumót. S-Allir

Suður spilar 6♦.

Evrópumót í opnum flokki var fyrst haldið í Hollandi árið 1932. Til að byrja með var mótið árlegur viðburður en breyttist í tvíæring upp úr 1960. Næsta Evrópumót verður spilað í Ostend í Belgíu í vor, hið 54. í röðinni.

Árið 1974 var keppt í Ísrael og er spil dagsins er þaðan runnið, frá leik Ítalíu og Englands. Ítalska parið sagði 6♣, sem unnust auðveldlega. Hinum megin enduðu Claude Rodrigue og Tony Priday í heldur verri slemmu – 6♦. Priday var sagnhafi og fékk út ♥D.

Priday trompaði útspilið, fór heim á ♣D og stakk aftur hjarta. Spilaði síðan hálaufi og henti ♥K. En því miður – vestur átti bara eitt lauf og trompaði ódýrt. Vörnin fékk svo annan slag á ♦K.

Það sýnist heldur betri áætlun að spila litlum tígli úr borði í öðrum slag. Þá er slemman í húsi ef austur á ♦Kx(x), og líka ef vestur á ♦K og tían fellur önnur.