Hvað er eðlilegur kvíði og hvenær er kvíði orðinn að vanda? Hvað er til ráða? Ólöf Edda Guðjónsdóttir sálfræðingur mun fjalla um einkenni kvíða hjá börnum og unglingum kl. 20-22 í kvöld, miðvikudaginn 7. febrúar, í Lífsstílskaffi í Borgarbókasafninu, menningarhúsi Gerðubergi.
Ólöf starfar sem sálfræðingur hjá Þjónustumiðstöð Laugardals og Háaleitis þar sem hún sinnir greiningu á leik- og grunnskólabörnum ásamt ráðgjöf til foreldra og starfsmanna á leikskóla. Á þjónustumiðstöðinni heldur Ólöf námskeiðið Klókir krakkar og Klókir litlir krakkar fyrir börn með kvíða og foreldra þeirra. Þar heldur hún einnig HAM-námskeið fyrir unglinga með einkenni kvíða og depurðar. Ólöf starfar einnig á Heilsuborg þar sem hún sinnir einstaklingsmeðferð barna og unglinga vegna kvíða, depurðar og lágs sjálfsmats og ráðgjöf til foreldra.
Aðgangur er ókeypis og allir velkomnir meðan húsrúm leyfir.
Til baka
Leita í greinasafni
Prenta grein
