Sagnsigur. S-NS Norður &spade;ÁD4 &heart;107 ⋄974 &klubs;KD963...

Sagnsigur. S-NS

Suður spilar 4♠.

ACOListar fortíðar voru sérfræðingar í að spila trompsamninga á 4-3 fitt. Og engin furða, því kerfið teymdi þá oft og iðulega á asnaeyrunum upp í fjóra í hálit, framhjá þremur gröndum. Svo dæmi sé tekið, þá þótti ekkert tiltökumál að opna á 1♠ með 4-4 í hálitunum og segja 2♥ í næsta hring. Svarhöndin studdi gjarnan með þrílit og þá var voðinn vís.

Fjögur-þrjú tromplitur er vondur tromplitur – almennt og yfirleitt. Og ástæðan er einföld: tromp andstæðinganna þarf helst að falla 3-3, en á því eru ekki nema þriðjungs líkur. En stundum er þetta eina geimið sem vinnst og þá fagna menn „sagnsigri“. Adam Grossack og John McAllister renndu sér í 4♠ í þessu spili bridshátíðar.

Grossack vakti á laufi, vestur kom inn á 1♥, McAllister sagði 2♥ (góð hækkun í laufi) og austur doblaði. Grossack sagði nú 2♠ á kónginn fjórða – þrír og fjórir.

Tíu auðveldir slagir.